U dënua me 3 vite e 4 muaj burg, reagon ish-ministri shqiptar

19:00 | 4 Shkurt 2022
Lorik Gerbeshi

Ish-ministri i Brendshëm i Shqipërisë, Saimir Tahiri, është dënuar me tre vite e katër muaj burgim, për veprën penale “Shpërdorim të Detyrës”.

Vendimi është marrë të premten e 4 shkurtit nga Apeli i Posaçëm i Gjykatës kundër Korrupsionit dhe Krimit të Organizuar (GJKKO).

Fillimisht, Tahiri u dënua me pesë vite burgim, por, për shkak të gjykimit të shkurtuar do të vuajë tre vite e katër muaj burg.

Menjëherë pas marrjes së vendimit ka reaguar vetë Tahiri, i cili e ka konsideruar “padrejtësi”.

“Ju dua shumë të gjithëve! Më vjen keq që shkoi kështu. Jam moralisht i qetë, nuk kam shkelur kurrë ligjin, kam dashuruar çdo ditë të punës sime, jam i lumtur që kam bërë detyrën siç më mirë munda. Është thjeshtë padrejtësi”, ka shkruar ai në Facebook./SHQIP.com

Shpërndaje në rrjete sociale

Lajmet më të lexuara

Të ngjashme

Foto lajm